Навбатдан ташқари йиғилиш, навбатдан ташқари мажлисларни кўп эшитганмиз, энди навбатдан ташқари Эл Класиколарга ҳам кўникамиз, шекилли. Декабрдаги тўқнашувдан сўнг баҳор ойларигача Класико кўришни хаёлимизга ҳам келтирмагандик. Испания футбол федерацияси бизникилардан фарқли ўлароқ икки кучли жамоани (ўтган йилги Кубок финалчилари ёки чемпионатнинг олтин ва кумуш соҳиблари) турнир сеткасининг икки тарафига қўймаслигини унутган эканмиз. Мана, улар финалда эмас, чорак финалда тўқнаш келишди. Энди бир ҳафта ичида иккита Класико кўрамиз. ПЕП 41 ЁШДА Испания футбол федерацияси "Барселона” учун атайин совға тайёрлаганга ўхшайди. Чунки биринчи ўйин санасида Пеп Гвардиола таваллуд кунини нишонлайди. У 41 ёшга тўлади. Ва яна бир қизиқарли жиҳати, бир ҳафтадан кейин ўтадиган жавоб учрашуви санаси – 25 январ "Барселона”нинг "мияси” – Хави туғилган кун. "Мана сизга сюрпризу, мана сизга кир юводурғон мошина”. Клубнинг XXI асрдаги афсоналарига айланиб улгурган икки инсон ўзларига ўзлари исталган кўриниш (ҳисоб)даги, безак(гол)лари билан совға тайёрлашлари мумкин. Албатта, жамоадошлари ҳам уларга бажонидил кўмаклашишга тайёрлар. Ахир бу тарих. Бунақа тасодиф ҳар доим ҳам рўй беравермайди. Қизиғи, Мауриньо ҳам ўз ҳамкасбига "совға” тайёрлаши мумкин. Унга шундай имконият берилди. ЖАМОАЛАРНИНГ ҲОЛАТИ Ўйинга иккала жамоа ҳам деярли бир хил ҳолатда келди. Испания чемпионатининг охирги турида "Реал” ҳам, "Барселона” ҳам яхшигина тер тўкди. Мадрид ўйинни бой бера туриб, иккинчи бўлимда катта куч эвазига ғалабани ўз томонига оғдирган бўлса, "Барса” аввалига иккита урди, кейин иккита ўтказди, сўнг яна иккита уриб, уч очколи бўлди. Ўйинлар оралиғи бир кунни ташкил этгани боис, "Реал”да класикога тайёргарлик учун бироз ошиқча вақт бўлди. Бу ошиқча кунни Мауриньо футболчиларига дам бериш билан ўтказди. Гвардиолада эса бундай имконият бўлгани йўқ ва жамоа "Бетис” билан кечган қийин ўйинни ўтказибоқ машғулотларга киришди. Иккала жамоада ҳам йўқотишлар бор. Мадридликлар таркибида анча вақтдан буён марказий ҳимоячи Карвалью жой олгани йўқ. Ди Мария ҳам жароҳати боис бир қатор ўйинларни ўтказиб юборди. Хедира бу сафни тўлдирган. Алваро Арбелао эса "Малага”га қарши ўйинда олган қизил карточка сабаб ўйинни ўтказиб юборади. "Барселона”дан ҳужумчилар – Виля ва Педро жамоасига ёрдам бера олмайди. ТАРКИБЛАР Бир қарашда икки жамоанинг оптимал таркиби барчамизга аёндек. Бу – декабрда бўлиб ўтган класикодаги таркиблар. Ўшанда жамоалар ўзлариининг энг оптимал таркибларида майдонга тушишганди. Лекин бу сафар Кубок доирасидаги тўқнашув эканлигини ҳам ҳисобга олиш лозим. Масалан, "Барселона”да дарвозани бемалол Пинто қўриқлаши ҳам мумкин. Чунки бу унинг мусобақаси. Шундай нюанслар бўлса- да, таркиблар қуйидагича кўриниш олишини тахмин қилиб кўраман:
![]("/templates/Default/images/moveL.png")
