WwW.TaNiSH.Uz Eng Sungi Yangiliklar va Yangi Dustlar

Yangi ovoz

Habibfayz — Wed, 26 Sep 2012 12:18:52 GMT

UzPower Group taqdim etadi.O'zbekiston telekanallarida hamda radio kanallarida ovozlari eshitilmay qolgan ustoz sanatkor O'zbekistonda hizmat ko'rsatgan artis Mahmudjon Azimovni farzandlari Umid Azimovdan yangi Begona nomli qo'shiqlarini premerasini ilk bor forumdan yuklab olishingiz mumkin.Shahsan menga bu qo'shiq juda yoqdi sizga ham yoqadi degan umiddaman.Mahmudjon Azimovni qoshiqlarini eslatib o'tamiz."Samarqand",Andijon,Buni umr derlar,Kelganda ko'r va hakazo.Umidjon Azimov http://uzpower.ru/forum/viewtopic.php?p=4511#4511 baho bering

"Бошқа алоқа операторини танланг!"

ARMON — Tue, 17 Jul 2012 18:10:38 GMT

Ўзбекистон алоқа ва ахборотлаштириш агентлиги 17 июл куни "Ўздунробита” ширкатининг 2004 йил 28 июл куни уяли алоқа хизмати кўрсатиш учун берилган лицензиясини 10 кунлик муддатга бекор қилди.

"Айрим фаолият турларини лицензиялаш тўғрисида”ги Ўзбекистон Республикаси Қонунининг 22-моддасига мувофия МЧЖ шаклидаги "ЎЗДУНРОБИТА” ХКга кўчма радиотелефон (мобил) алоқа тармоқларини лойиҳалаш, қуриш, фойдаланиш ва хизматлар кўрсатиш фаолияти билан шуғулланиш хуқуқи учун 2004 йил 28 июлда берилган АА серияли 0000682 рақамли лицензиянинг амал қилиши корхонанинг бир неча марта ва мунтазам қўпол қоидабузарликларга йўл қўйилгани, назорат қилувчи органнинг кўрсатмаларини бажармаганлиги учун Ўзбекистон алоқа ва ахборотлаштириш агентлигининг 2012 йил 17 июлдаги 19-L-сон буйруғига кўра шу йил 17 июл соат 18:00 дан 10 иш кунига тўхтатилди”, дейилади ЎзААА расмий сайтида.

Бу эса МТС савдо белгиси остида фаолият кўрсатувчи "Ўздунробита” ширкатига уланган уяли алоқа абонентлари телефонлари хизмат доирасидан ташқарида бўлишини англатади.

Ўзбекистон алоқа ва ахборотлаштириш агентлиги бош директори ўринбосари Шуҳрат Атамуҳамедов, Озодлик билан суҳбатда, вазият ҳақида, жумладан бундай деди.

- "Лицензия тортиб олиб қўйилибди” деган ибора нотўғри ибора бўлади. Ҳеч кимдан ҳеч нарса тортиб олиниб қўйилгани йўқ. Лицензия фаолияти тўхтатилди. Бу ҳақда бизнинг веб-сайтимизда информация бор. Лицензия фаолияти 10 кунга тўхтатилган. Ўша компания йўл қўяётган қўпол хато, камчиликлар ва қонун бузилиши ҳолатлари бўлганлиги туфайли шунақа қарор қабул қилинган. Фаолият давомида "кўрсатма” ҳар хил бўлиши мумкин: техника воситалари юзасидан, уни расмийлаштириш юзаси ва ҳоказо.

Giyohvandlikning oldini olish – muhim vazifa

prosta_Joxa — Mon, 25 Jun 2012 18:59:55 GMT

Narkobiznesga qarshi kurashda BMTning Giyohvandlik vositalari va psixotrop moddalarning noqonuniy aylanishiga qarshi kurash to‘g‘risidagi konvensiyasi muhim o‘rin tutadi. Mazkur Konvensiyaga a’zo davlatlar qabul qilgan rezolyutsiyaga muvofiq, 1987-yildan boshlab har yili 26 iyun – Xalqaro narkotik moddalarni suiiste’mol qilish va ularning noqonuniy aylanishiga qarshi kurash kuni sifatida nishonlanadi.

Mamlakatimizda giyohvandlik va narkotik moddalarning noqonuniy aylanishiga qarshi kurashish bo‘yicha samarali davlat tizimi shakllangan. O‘zbekiston Respublikasi Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi hamda huquqni muhofaza qiluvchi idoralar hamkorligida bu ofatga qarshi izchil kurash olib borilmoqda.

O‘zbekiston Respublikasi Ichki ishlar vazirligi tizimidagi narkotrafik va narkotik moddalarning g‘ayriqonuniy aylanishiga qarshi kurash boshqarmasi va uning joylardagi bo‘limlari tomonidan narkotik moddalarning mamlakatimizga kontrabanda yo‘li bilan kirib kelishi va tranzitining oldini olishga alohida e’tibor qaratilmoqda. Bu borada boshqa huquqni muhofaza qiluvchi idoralar vakillari bilan hamkorlik aloqalari yaxshi yo‘lga qo‘yilgan.

– Giyohvandlikning oldini olishga qaratilgan profilaktik chora-tadbirlar muntazam amalga oshirilayotir, – deydi Toshkent shahar ichki ishlar bosh boshqarmasi ommaviy axborot vositalari bilan aloqa qilish bo‘linmasi boshlig‘i To‘lagan Abdullayev. – Aholi o‘rtasida uchrashuv, seminar va anjumanlar o‘tkazilib, ularda ko‘rgazmali vositalar yordamida "zahri qotil”ning qanday ayanchli oqibatlarga olib kelishi keng tushuntirilmoqda.

Yoshlar o‘rtasida giyohvandlikning oldini olish borasida joriy yilda barcha umumta’lim maktablari, oliy va o‘rta maxsus ta’lim tizimidagi muassasalarda uchrashuvlar o‘tkazildi. Narkologiya dispanserlari vrach-mutaxassislari va narkotik moddalarning g‘ayriqonuniy aylanishiga qarshi kurashish bo‘yicha tezkor xodimlar ishtirokida o‘tgan uchrashuvlarda hayotiy misollar vositasida yoshlarni yana bir bor ogohlikka chorlamoqdamiz. Bunday keng ko‘lamli profilaktika ishlari yaxshi samara berayotir.

Soha xodimlari tomonidan o‘tkazilayotgan "Qoradori” operatsiyasi giyohvand moddalar savdosi bilan shug‘ullanuvchi transmilliy guruhlarni aniqlash, ularning noqonuniy faoliyatiga chek qo‘yish, kontrabanda yo‘llarini to‘sish, giyohvand o‘simliklar ekilishi va narkomaniya yoyilishining oldini olish borasida maxsus kompleks chora-tadbirlarni o‘z ichiga oladi. Ayni paytda o‘tkazilayotgan "Qoradori-2012” tadbiri davomida ayrim xonadonlarda nasha, ko‘knori va gashish o‘simliklari ekilgani aniqlanib, ular tegishli tartibda yo‘q qilinmoqda.

Poytaxtimizning Hamza tumanida o‘tkazilgan tezkor tadbir davomida hovlilardan biriga nasha o‘simligi ekilgani aniqlandi. Xonadon egasi uni nima maqsadda yetishtirayotganini tezkor xodimlarga izohlab bera olmadi. Xavfli o‘simlik yo‘q qilinib, uni ekkan shaxsga nisbatan tegishli chora ko‘rildi. Sergeli tumanida o‘tkazilgan tezkor tadbirlar davomida ham shunga o‘xshash bir necha holat aniqlandi va bartaraf etildi.

Toshkent viloyatidan Bektemir tumani hududiga kirib kelayotgan "Matiz” rusumli avtomobil yo‘l-patrul xizmati xodimlari tomonidan tekshirilganda, haydovchining yonida o‘tirgan shaxs bezovtalanib, o‘zini fosh qilib qo‘ydi. Uning yuklari ko‘zdan kechirilganda, "gashish” giyohvandlik moddasini sotish uchun olib ketayotgani oshkor bo‘ldi. So‘nggi pushaymon – o‘zingga dushman. Bu shaxs ham endi qonun oldida javob berishiga to‘g‘ri keladi.

Toshkent shahar ichki ishlar xodimlari tomonidan joriy yilning o‘tgan davri mobaynida tarkibida giyohvandlik moddalari bo‘lgan turli xildagi 29 kilogrammga yaqin moddalar qo‘lga olindi. Bu bilan qancha insonlarning shu "zahri qotil”dan zaharlanishiga yo‘l qo‘yilmadi. Bunday chora-tadbirlar izchil davom ettirilmoqda.

Mustahkam oila: barqaror va farovon O‘zbekiston!

prosta_Joxa — Mon, 25 Jun 2012 18:45:54 GMT

"Mustahkam oila yili” Davlat dasturi doirasida tashkil etilgan mazkur tadbirga senatorlar, deputatlar, turli vazirlik va idoralar, jamoat tashkilotlari, mamlakatimizda faoliyat ko‘rsatayotgan dilomatik korpus va xalqaro tashkilotlar vakolatxonalari vakillari, ommaviy axborot vositalari xodimlari taklif etildi.

O‘zbekiston Elektron ommaviy axborot vositalari milliy assotsiatsiyasi tomonidan Oliy Majlis huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi mablag‘larini boshqarish bo‘yicha Parlament komissiyasi, Jurnalistlar ijodiy uyushmasi, "O‘zbekiston madaniyati va san’ati forumi” jamg‘armasi, Kasaba uyushmalari federatsiyasi kengashi, Respublika Ma’naviyat targ‘ibot markazi va bir qator xalqaro tashkilotlar vakolatxonalari hamkorligida o‘tkazilayotgan mazkur an’anaviy festival joriy yilda "Mustahkam oila – mustahkam jamiyat: barqaror va farovon O‘zbekiston!” shiori ostida tashkil etildi.

O‘zbekiston elektron ommaviy axborot vositalari milliy assotsiatsiyasi boshqaruvi raisi F.Abduxoliqov va boshqalar Prezidentimiz Islom Karimov rahnamoligida yuritilayotgan ijtimoiy-iqtisodiy islohotlarning bosh maqsadi inson omili ekanini ta’kidladilar. Bu jarayonda xalqimiz ma’naviyatini yuksaltirish, turmush farovonligini yanada oshirish, yoshlarni har jihatdan barkamol shaxs etib voyaga yetkazishga qaratilgan sa’y-harakatlar yuksak samaralar bermoqda.

Mamlakatimizda oila, onalik va bolalik manfaatlarini muhofazalash, ayniqsa, xotin-qizlar salomatligini mustahkamlash, ularning ta’lim olishi, yashashi, mehnat qilishi uchun qulay sharoit va imkoniyatlarni yaratish masalasiga jiddiy e’tibor qaratilmoqda.

"Mustahkam oila yili” Davlat dasturi doirasida oila institutini yanada mustahkamlash va rivojlantirish, yosh oilalarning huquqiy va ijtimoiy-iqtisodiy manfaatlarini himoya qilish, qo‘llab-quvvatlashni kuchaytirishga doir amaliy chora-tadbirlar sifat jihatidan yangi bosqichga ko‘tarilmoqda. Ayni paytda jamiyatimizdagi o‘zaro totuvlik, mehr-oqibat, saxovat, bag‘rikenglik muhitini mustahkamlash, yoshlarni ma’naviyatimiz, axloqiy qarashlarimiz, milliy hayot tarzimizga yot g‘oyalar, "ommaviy madaniyat”ning salbiy ta’siri, noxolis va zararli axborotlardan himoyalash, ularning oila, jamiyat, Vatan oldidagi mas’uliyatini oshirish dolzarb ahamiyat kasb etmoqda. Bu esa jurnalistlardan yanada faollikni, mavzuga chuqur tahliliy yondashuvni talab etadi.

Besh yildan buyon an’anaviy tarzda o‘tkazilayotgan "Ozod yurt to‘lqinlari” media-festivali ijtimoiy-iqtisodiy, ma’naviy-ma’rifiy jabhalardagi tub ijobiy o‘zgarishlarni xalqimizga xolis va haqqoniy yetkazish, yurtimizdagi islohotlar jarayonida jamoat elektron media tuzilmalarining faolligini oshirish, ijodiy va texnik xodimlarni rag‘batlantirish, bu boradagi ilg‘or ish tajribasini ommalashtirish imkonini bermoqda. Joriy yilgi media-festivaldan ko‘zlangan asosiy maqsad "Mustahkam oila yili” Davlat dasturida belgilangan vazifalar ijrosini ta’minlashga hissa qo‘shish, bu yo‘nalishdagi ezgu sa’y-harakatlarning mazmun-mohiyatini hamyurtlarimizga ta’sirchan va samarali tarzda yetkazishdan iboratdir.

Media-festival doirasida rang-barang tadbirlar, konferensiyalar, seminarlar, jonli muloqotlar bo‘lib o‘tdi. Ayniqsa, "Mustahkam oila – jamiyat tayanchi” shiori ostida o‘tkazilgan "Sog‘lom oila – sog‘lom jamiyat” telemarafoni hamyurtlarimiz, keng jamoatchilikda katta e’tibor va qiziqish uyg‘otdi. Telemarafon assotsiatsiya tomonidan O‘zbekiston Respublikasi Sog‘liqni saqlash, Xalq ta’limi vazirliklari, "Kamolot” yoshlar ijtimoiy harakati, Aloqa va axborotlashtirish agentligi, Xotin-qizlar qo‘mitasi, "Mahalla” xayriya jamoat fondi, "O‘zbekiston madaniyati va san’ati forumi”, "Mehr nuri” jamg‘armalari, "Kelajak ovozi” yoshlar tashabbuslari markazi singari tashkilotlar bilan hamkorlikda tashkil etildi. Ikki bosqichdan iborat mazkur telemarafon jarayonida dastlab hududiy nodavlat telestansiyalarda, so‘ngra O‘zbekiston Nodavlat telekanallari tarmog‘i (O‘zNTT) kanali va Nodavlat radiokanallar tarmog‘i (NRT) orqali sog‘lom turmush tarzini targ‘ib etish, oilaning ma’naviyat o‘chog‘i sifatidagi ahamiyatini kuchaytirishga oid turkum tele-radio materiallar efirga uzatildi. Ayni paytda mavzu yuzasidan ota-onalar, shifokorlar, mutaxassislar, yoshlarning fikrlari atroflicha o‘rganilib, mavjud dolzarb masalalar yechimi xususida fikr yuritildi.

Mazkur media-loyihalarning 27 iyun – Matbuot va ommaviy axborot vositalari xodimlari kuni arafasida o‘tkazilishi ham bejiz emas. Zero, jamiyat asosi bo‘lmish oilalarni asrab-avaylash, ularning mavqeini yuksaltirish, milliy an’ana va qadriyatlarimizning bardavomligini ta’minlashda ommaviy axborot vositalari ham muhim o‘rin tutadi. Bu, o‘z navbatida, jurnalistlardan tinimsiz izlanishni, bilim va mahoratni, ijtimoiy faollikni, katta mas’uliyatni talab etadi.

– Oilaning sog‘lom va har jihatdan mustahkamligi uchun shifokorlar, huquqshunoslar bilan birga jurnalistlar ham mas’uldir, – deydi media-festivalda g‘olib bo‘lgan "Marg‘ilon-TV” teleradiokanali muharriri Ahror Ziyodov. – Oilalar sog‘lom bo‘lsa, jamiyatimiz ham sog‘lom, hayotimiz barqaror, farovon bo‘ladi. Telematerialimizda ushbu g‘oyani muxlislarga, ayniqsa yurtimiz kelajagi bo‘lgan yoshlarga sodda va ravon, samimiy va ta’sirchan tarzda yetkazishga harakat qilmoqdamiz.

"Ozod yurt to‘lqinlari” media-festivalining turli nominatsiyalari bo‘yicha hamda "Sog‘lom oila – sog‘lom jamiyat” telemarafoni g‘oliblari aniqlandi. G‘olib va sovrindorlarga diplom hamda esdalik sovg‘alari topshirildi.

Tadbirda O‘zbekiston Respublikasi Bosh vazirining o‘rinbosarlari E.Bositxonova, A.Aripov so‘zga chiqdi.

So‘lim bog‘da bolalar bayrami

prosta_Joxa — Fri, 01 Jun 2012 17:00:32 GMT

Toshkent shahar hokimligi, O‘zbekiston Respublikasi Madaniyat va sport ishlari, Xalq ta’limi vazirliklari, "Sen yol‘giz emassan” Respublika jamoatchilik bolalar jamg‘armasi va boshqa tashkilotlar hamkorligida o‘tkazilgan tadbirga mehribonlik uylari, maxsus maktab-internatlar tarbiyalanuvchilari, kam ta’minlangan oilalar farzandlari taklif etildi.

O‘zbekiston Respublikasi xalq ta’limi vazirining o‘rinbosari A.Xolbekov, Toshkent shahar hokimining o‘rinbosari F.Ziyoyev va boshqalar Prezidentimiz Islom Karimov rahnamoligida yoshlar kamoloti yo‘lida amalga oshirilayotgan ishlar yuksak ma’naviyatli, ijodiy-intellektual salohiyatli, mustaqil fikrli avlodni voyaga yetkazishdek ezgu maqsadlarga xizmat qilayotganini ta’kidladi. Kadrlar tayyorlash milliy dasturi asosida amalga oshirilayotgan keng ko‘lamli islohotlar jahon andozalari talablariga mos ta’lim maskanlari barpo etish, ularni zamonaviy o‘quv-laboratoriya jihozlari bilan ta’minlash, ta’lim sifati va mazmunini tubdan takomillashtirishga xizmat qilmoqda.

Toshkent shahar hokimligi "Sen yolg‘iz emassan” Respublika jamoatchilik bolalar jamg‘armasi bilan hamkorlikda murakkab taqdirli bolalarning jamiyatga moslashuviga yaqindan ko‘maklashish, ularni sog‘lomlashtirish, huquq va manfaatlarini himoyalash masalalariga alohida e’tibor qaratmoqda. Shu maqsadda turli ijtimoiy loyihalar, sport musobaqalari tashkil etilmoqda, yurtimizning tarixiy shaharlari va so‘lim tabiat go‘shalariga sayohatlar uyushtirilmoqda.

Xushmanzara bog‘da o‘tkazilgan mazkur tadbir doirasida turli ko‘rik-tanlovlar, rasmlar ko‘rgazmasi, san’at festivali, teatrlashtirilgan tomoshalar, konsertlar uyushtirildi. Tadbirda faol ishtirok etgan bolalarga bayram sovg‘alari topshirildi.

Чагаевнинг навбатдаги рақиби Митчелми ё Гомес?

prosta_Joxa — Sun, 27 May 2012 19:59:38 GMT

Boxingnews24.com нашрининг хабар беришича, Митчел ва Чагаев ўртасидаги жанг 7 июль куни АҚШнинг Лас-Вегас шаҳрида ўрта вазнли собиқ чемпион, британиялик Амир Хоннинг чиқиши олдидан ўтказилиши кўзда тутилган.

Агар Сет Митчел промоутерлари Universum Box Promotion билан келишувга эришолмаса, америкалик боксчи асли янги-зеландиялик Чонси Велливерга қарши рингга чиқишни режаламоқда, деб ёзди Boxingnews24.com.

Бироқ Чагаевга ҳомийлик қилувчи Германиянинг Ҳамбург шаҳридаги Universum Box Promotion фирмаси америкалик боксчидан ҳали таклиф олмаган.

- Сет Митчел промоутерлари ҳали бизга чиқишгани йўқ. Балки, Митчел Руслан Чагаев билан жанг қилишга кўз тикаётгандир, лекин ҳозирча ундан таклиф олмадик,- деди Universum Box Promotion вакили Штефан Золтау.

Руслан Чагаевнинг ўзи эса WBA рейтингида 15 поғонада турган 39 яшар кубалик Хуан Карлос Гомесга қарши жанг қилиш ниятида.

- Сет Митчел билан жанг Русланни режаларига тўғри келмайроқ турибди. Чагаев август ойида Москвада кубалик Хуан Карлос Гомесга қарши рингга тушишни режалаяпти,- деди Universum Box Promotion вакили Штефан Золтау.

Профессионал бокснинг WBA таснифи бўйича энг оғир вазн тоифасида собиқ жаҳон чемпиони, ўзбекистонлик боксчи Руслан Чагаев ўтган ой америкалик рақиби Билли Зумбрунни учинчи раунддаёқ мағлубиятга учратганди.

Ундан аввал, январ ойида ўзбек боксчиси тринидад-ва-тобаголик рақиби Кертсон Менсуэлл устидан ҳам ғалаба қозонганди.

Ўзбекистонлик Руслан Чагаев WBA таснифида ўз рейтингини яхшилаб, шу йил охири ё келаси йил бошларида яна жаҳон чемпионлиги камари учун беллашмоқчи.

Ана шу мақсадда Чагаев келаси ойларда қатор жанглар ўтказишни режаламоқда.

Ўзбекистон мактабларида сўнгги қўнғироқ янгради

prosta_Joxa — Fri, 25 May 2012 16:26:41 GMT

Ўзбекистон республикаси Халқ таълими вазирлигига кўра¸ бу йил республика бўйлаб 9-синфни тугатган ўқувчилар сони 560 минг нафардан ортиқ. 25 май куни Тошкент кўчалари ўзгача манзара касб этди.

Мактаблардаги сўнгги қўнғироқ тадбирларидан сўнг, минглаб битирувчилар кўчалар, истироҳат боғлари ва кўнгилочар масканларга чиқдилар.

- Эҳе-ҳе-ҳе.... Ҳамма ёқни битирувчилар босиб кетган. Чор атрофда байрам шукуҳи давом этмоқда. Йигит-қизлар оппоқ кўйлакларда, олдиларига қизил ленталар тақиб олишган. Ҳамма битирувчилар паркда. Аквапаркда, диснейпаркда ҳам одам тўлиб ётибди.. Ҳаво ҳам зўр. Сал булут ва қуёш, 29-30 даража иссиқ. Мазза қилишяпти, дейди 25 май кунги шаҳар руҳини тасвирлаган Наримон.

Тошкентдаги 247-мактабнинг ўзини таништирмаган ўқитувчиси ҳам сўнгги қўнғироқ тадбири яхши ўтганлигини айтар экан, тадбирдан сўнг ҳеч қандай хайрлашув кечалари уюштирилмаганлигини таъкидлади:

- Сўнгги қўнғироқдан сўнг мактабда концерт бўлди. Битирувчилар ўйнашди, табрик сўзлари янгради. Яхши ўқиганларга фахрномалар берилди, дейди мактаб ўқитувчиси.

КОРЕЙСЛАР ПЛАСТИК ЖАРРОҲЛИК ИШҚИБОЗИ

prosta_Joxa — Fri, 25 May 2012 16:19:02 GMT

Бу ҳақда Халқаро пластик жарроҳлик жамияти маълум қилди. Сеулда ўтказилган тадқиқотда аниқланишича, 19-49 ёшли аёлларнинг 20 фоизи пластик жарроҳликни бошидан ўтказган. Кўзни каттароқ қилиб кўрсатадиган юқори қовоқ пластикаси, липопластика (товуш тўлқинлари ёрдамида ёғларни йўқотиш) ва ринопластика энг кўп ўтказиладиган муолажалардир.
Мутахассислар пластик жарроҳликнинг тобора оммалашаётганини поп мусиқа саноатининг ривожланишини билан боғлашмоқда. Чунки клиникага келаётган аксар мижозлар эстрада юлдузларига ўхшашни исташади. Дарвоқе, ўтган йили Таълим вазирлиги юқори синф ўқувчилари учун «пластик жарроҳлик хавфи»дан огоҳлантирувчи махсус буклетни чоп этди.
Халқаро пластик жарроҳлик жамияти маълумотига кўра, энг кўп пластик жарроҳликдан фойдаланадиган мамлакатлар қаторига Жанубий Кореядан ташқари Греция, Италия, Бразилия, Колумбия, АҚШ, Тайван, Япония, Франция ва Мексика киради.

Musobaqalar qizg‘in davom etmoqda

prosta_Joxa — Fri, 25 May 2012 16:09:26 GMT

"Yoshlar” sport majmuasida o‘tkazilayotgan yengil atletika bellashuvlarida o‘smirlar va qizlar turli masofalarga yugurish, uch hatlab sakrash, balandlikka sakrash, aralash estafeta bo‘yicha o‘zaro raqobatlashdi. O‘smirlar o‘rtasida uch hatlab sakrash bo‘yicha eng yaxshi natijani qayd etgan poytaxtlik Temur Xusnulin, balandlikka sakrashda sirdaryolik Ruslan Kurmayev, turli masofalarga yugurishda samarqandlik G‘olib Tohirjonov, navoiylik Shohruhmirzo Muxtorov, andijonlik Anvar Safarov shohsupaning eng yuqori pog‘onasiga ko‘tarildi.

Qizlar o‘rtasidagi uch hatlab sakrash va balandlikka sakrash bahslari toshkentlik Irina Belova hamda Toshkent viloyati vakilasi Anna Tyan g‘alabasi bilan yakunlandi. Yugurishda esa namanganlik Dilnoza Rahmonova, samarqandlik Marjona Oqqo‘ziyeva, poytaxtlik Liliya Manasipova, jizzaxlik Lidiya Petrova, sirdaryolik Nailya Hazratqulova "Umid nihollari – 2012” musobaqasi g‘olibi bo‘ldi.

Россия президенти июн ойида Ўзбекистонга келмоқчи

prosta_Joxa — Mon, 21 May 2012 20:03:31 GMT

Бу ҳақда Россияда чиқадиган "Ведомости” газетаси ўзининг Кремлдаги манбаларига таянган ҳолда хабар тарқатди.

Маълумотларга кўра, кейинги ой бошида Ўзбекистонга ташриф буюрган Россия президенти сўнг 6-7 июн кунлари Пекинда ўтказиладиган Шанхай ҳамкорлик ташкилоти саммитига жўнаб кетади.

"Ведомости” қайдига кўра, саммитдан қайтиш чоғида Путин Қозоғистонга сафар қилиши ҳам эҳтимолдан ҳоли эмас.