Самарқанддаги "Дилафрўз” ресторанида шу йилнинг 6 март куни Ўзбекистон халқ артисти Юлдуз Усмонова концерт беради.
Бу ҳақда концерт ташкилотчиси Шерзод Ҳакимов маълум қилди.
Концертга атаб чоп қилинган афишада Юлдуз Усмонованинг қўшиқ ижро этишга изн берувчи лицензия рақами ҳам келтирилган.
Бу холатдан Юлдуз Усмонованинг концерт фаолиятига шу кунларда чеклов йўқ деган хулоса чиқади.
Кейинги икки йил мобайнида Ўзбекистонда Юлдуз Усмонова ижодига тақиқ қўйилди деган гап-сўзлар урчигани кузатилди.
Хонандага яқин манбалар Юлдуз Усмонованинг Ўзбекистонда ҳеч бир
муаммосиз концерт фаолияти олиб бораëтгани, тўй, чарлар, туғилган кун
каби маросимларда кунора буюртма қўшиқлар ижро қилаëтганини билдиришди.
Концертми ëки суннат тўйи?
"Дилафрўз” ресторанида бўладиган концертни, хайрия тадбири ўлароқ ташкил
қилдик дейди, Озодлик билан суҳбатда ресторан раҳбарларидан бири.
- Бу шунчаки концет эмас балки хайрия тадбиридир. Беш-олти
камбағалларнинг болаларини ҳатна қилдирамиз. Суннат тўйи деса ҳам
бўлади, дейди ўзини ресторан иш юритувчиси деб таништирган суҳбатдош.
Ўзбек шоу-дунëси икир-чикирларидан яхши хабардор бўлган хонанда Азиза
Ниëзматова, бу тадбир 800 кишига мўлжалланган залда ўтишини ва тижорий
фойдани кўзлаган концерт эканини айтади.
- Хайрия эканидан хабарим йўқ, аммо менга яқин кишилар бу концертга чипта сотиб олишди. Битта чипта нарҳи 130 минг сўм.
![]("/templates/Default/images/moveL.png")
