WBC ташкилоти раҳбарлари спортчига хос бўлмаган ҳаракати учун оғир вазндаги британиялик боксчи Дерек Чисорни 50 минг АҚШ доллари миқдорида жаримага тортди. WBC бундай қарор қабул қилишига Германиянинг Мюнхен шаҳрида 17 феврал куни бўлиб ўтган вазнни ўлчаш пайтида Дерек Чисор украиналик рақиби Виталий Кличконинг юзига кутилмаганда тарсаки туширгани сабаб бўлди. - Бу шармандалик ва спортга нисбатан мутлақ ҳурматсизлик! Бундай аҳмоқона зарба учун биз боксчини жазосиз қолдира олмаймиз. У джентелмен эмас!, - деди WBC раҳбари Хосе Сулаймон журналистларга берган интервюсида. мақсадларида сарфланади.
Шарҳловчиларга кўра, Виталий Кличко рақиби ҳужум қилишини кутмагани боис тарсаки еган. Бундан ташқари украиналик боксчи ўзини вазмин тутиб Чисорга жавоб қайтармаган. Кличко фақат, у мендан жавобни эртага рингда олади, деган. Кличко ва Чисор ўртасидаги жанг 18 феврал куни Мюнхен шаҳридаги 12 минг томошабинга мўлжалланган "Олимпиахалл” аренасида бўлиб ўтиши режаланган. Украиналик боксчининг бўйи британиялик рақибидан 13 сантиметрга баланд. Бундан ташқари Виталий Кличко кўпроқ тажрибага эга. Кличко профессионал рингда шу пайтгача 45 та жанг ўтказиб ундан 43 тасида ғалаба қозонган. 28 яшар Дерек Чисор эса профессионал рингдаги 17 та жанг ўтказиб ундан 15тасида ютган.
![]("/templates/Default/images/moveL.png")
