Швейцариянинг Ньон шаҳрида Европа Чемпионлар лигасининг 1/4 ва 1/2 финал ўйинларига қуръа ташланди. Қуръага кўра"Милан" ва "Барселона" жамоалари чорак финалдаёқ ўзаро дуч келадиган бўлишди. Чемпионлар лигасида "сенсация" кўрсатаётган Кипрнинг АПОЭЛ жамоаси "Қироллик клуби"га қарши баҳс олиб боради. "Сенсация"лар серияси давом этадими ёки йўқми? Кузатамиз. Сўнгги ўйинларда катта тезлик олаётган ва финалга чиқишга катта даъвогарлардан бири саналган "Бавария" жамоаси Франциянинг "Марсель" жамоаси билан куч синашади. Ўз аслига қайтаётган "Челси" эса "Бенфика" тўсиғидан ўтиши керак бўлади. Қуръа натижалари билан танишинг:
АПОЭЛ (Кипр) – «Реал Мадрид» (Испания) «Марсель» (Франция) - «Бавария» (Германия) «Бенфика» (Португалия) – «Челси» (Англия) «Милан» (Италия) – «Барселона» (Испания) АПОЭЛ ва "Реал" баҳси ғолиби ярим финалда "Марсель" ва "Бавария" баҳси ғолиби билан учрашади. "Бенфика" ва "Челси" ўртасидаги ўйинда ғолиб чиққан жамоа "Милан" ёки "Барселона" жамоаларидан бири билан финалга чиқиш учун беллашиб кўради. Қуръага яхшилаб эътибор қаратадиган бўлсангиз, финалда "Эл класико" кўришимиз учун барча нарса "муҳаё". Фақат бунга "Милан", "Челси", "Бавария" каби жамоалар "рози" бўлишармикан? 1/4 финалининг дастлабки учрашувлари 27 ва 28 март кунлари бўлиб ўтади. Жавоб учрашувлари эса 3 ва 4 апрелга мўлжалланган. Ярим финал учрашувлари 17-18 апрел, жавоб ўйинлари 24 ва 25 апрелда бўлиб ўтади.
![]("/templates/Default/images/moveL.png")
Швейцариянинг Ньон шаҳрида Европа Чемпионлар лигасининг 1/4 ва 1/2 финал ўйинларига қуръа ташланди. Қуръага кўра"Милан" ва "Барселона" жамоалари чорак финалдаёқ ўзаро дуч келадиган бўлишди. Чемпионлар лигасида "сенсация" кўрсатаётган Кипрнинг АПОЭЛ жамоаси 
